21 лютага Міжнародны дзень роднай мовы
21 лютага Міжнародны дзень роднай мовы
Нібы маці, берагчы працаўніцу нашу – мову,
Бо яна – жыцця зачын і пачатак песні новай.
Я.Сіпакоў
21 лютага ў свеце адзначаецца Міжнародны дзень роднай мовы. У нашым рознакаляровым і рознагалосым свеце налічваецца больш за шэсць тысяч моў. Адны з іх вабяць сваёй прыгажосцю і непаўторнасцю, другія – мілагучнасцю. Вучні ДУА НПК “Тракельскія яслі-сад-базавая школа” сёння гавораць пра тое, што сярод гэтага мноства моў ёсць адна асаблівая – родная, беларуская мова.
21 лютага 2022 года ў ДУА НПК “Тракельскія яслі-сад-базавая школа” сапраўднае свята – Дзень роднай мовы. Вучні з прыгожымі прывітальнымі словамі звярталіся да ўсіх, хто заходзіў ва ўстанову, з гонарам расказвалі аб тым, што ім у спадчыну засталася ўнікальная мова – жывая і мілагучная, песенная і паэтычная, мова бацькоў і дзядоў, вялікі нацыянальны скарб.
У гэты дзень былі праведзены мерапрыемствы, прысвечаныя мове, якую мы завем матчынай, на якой мы думаем, на якой вымавілі першае слова і на якой размаўлялі нашы продкі.
Пад кіраўніцтвам настаўніцы беларускай мовы і літаратуры Валчэцкай Г.М. з мэтай выхавання цікавасці да беларускай мовы, фарміравання нацыянальнай свядомасці, развіцця моўнай культуры прайшла акцыя-фотачэлендж “Размаўляем па-беларуску”. У бібліятэцы зроблена кніжная выстава “Паклон беларускаму слову”.
Весела прайшло мерапрыемства па стварэнню плаката “Я люблю родную мову”. На музычных перапынках гучалі песні беларускіх выканаўцаў і гуртоў на роднай мове.
У Міжнародны дзень роднай мовы ў нашай школе прайшоў Гродзенскі абласны дыктант, у рамках святкавання Міжнароднага дня роднай мовы. Мэта – папулярызацыя беларускай мовы, удасканаленне ведаў удзельнікаў па беларускай мове. Тэма – Год гістарычнай памяці.Тэкст “Музей паэта”. Удзел у напісанні дыктанта прынялі педагагічныя работнікі НПК.
Падводзячы вынікі дня роднай мовы вучні зразумелі, што наша беларуская мова прайшла доўгі гістарычны шлях, нашы бацькі, дзяды і прадзеды нямала зрабілі, каб беларуская мова была прызнана сярод іншых моў свету. Каб любіць сваю Радзіму, трэба добра ведаць яе гісторыю, сваіх продкаў.
