Знаёмімся
з беларускімі прыказкамі і прымаўкамі
- Якія мы гаспадары, такія нашыя двары.
- Не будзь горкі – праклянуць, не будзь салодкі – пракаўтнуць.
- Баючыся ваўкоў, застанешся без грыбоў.
- У кожнага кавалера свае манеры.
- Дзе цесна, там пацешна.
- Чужыя грахі перад вачыма, а свае за плячыма.
- Языком у Вільні, а галавою за печчу.
- Будзь свайму слову гаспадар.
- Не глядзі, каб скора, а глядзі, каб добра.
- «Мусіць» за вуха ўкусіць.
- Калі маеш грошы, то не будзеш хадзіць босы.
- Сядзі ў будзе і чакай, што будзе.
- Як з мужыка зробіцца пан, то колам галавы не дастаць.
- І мая доля не шчарбатая.
- Дзеўка без касы не мае красы.
- Маленькі сабачка да веку шчаня (цюцька).
- Не радуйся чужой бядзе, бо свая ззаду iдзе.
- Бяда розуму вучыць.
- Гразь – не кароста, сорам – не дым.
- Ганарлівы ды ўпарты – нічога не варты.
- Што люблю, тое i раблю.
- Убраўся ў жупан і думае, што пан.
- Ад цяплосьці не баляць косьці.
- Вырас пад неба, а дурань як трэба.
- Гавораць, гамоняць, ды не ведаюць, дзе звоняць.
- Дзе нянек многа, там дзiця бязнога.
- Дзе п’юць, там i льюць.
- Загляне сонца i ў наша ваконца.
- Знай каток свой куток.
- На вуснах – мёд, а на сэрцы – лёд.
Падборка загадак на беларускай мове
- Што бяжыць без повада? (Вада)
- Што расцець без кораня? (Камень)
- Што гарыць без полымя? (Зара)
- Што бела не белячы? (Лебедзь)
- Што чорна не чэрнячы? (Воран)
- Пасцелена дзяруга, на дзярузе рассыпан залаты пясочак, а пасярод залаты крайчык. (Зорнае неба і месяц)
- Крыкнуў вол на сто гор. (Гром)
- Чорная карова ўсіх людзей пакалола, а белая ўстала, усіх пападымала. (Ноч і дзень)
- Ляціць без крыл па сто міль. (Вецер)
- Дзве жнейкі цераз мяжу жнуць, адна другой не бачаць. (Вочы)
- Без рук, без ног, а поўзаець. (Вужака)
- Ляціць конь заморскі, іржэць ён па-польску; хто яго заб'ець, сваю кроў пральець. (Камар)
- Чорны, як воран, а равець, як мядзведзь. (Жук)
- Ні вокан ні дзвярэй – поўна хатка людзей. (Пчолы)
- Сядзіць паня ў каморы, яе косы на дворы. (Морква)
- Маленька-крывенька, а ўсё поле зваюе. (Серп)
- У лесе радзілася, на вяселле згадзілася. (Скрыпка)
- У ліпавым кусце мядзведзь равець. (Цымбалы)
- Еду, як па небу, пад сабою сонца бачу. (У чаўне)
- Які месяц зямлю грудзіць, хату студзіць? (Снежань)
- З вады нарадзіўся і ў ваду ператварыўся. (Снег)
- Белы, а не цукар, без ног, а ідзе. (Снег)
- Я, як пясчынка, малы, а зямлю пакрываю. (Снег)
- Што белае не белячы? (Снег)
- Абрус белы ўвесь свет адзеў. (Снег)
- На двары гарою, у хаце вадою. (Снег)
- Са страхі морква вісіць, да зямлі не дастане, паху не мае, зімой вырастае. (Лядзяш)
- На палеткі, на луг, разаслаўся кажух. Прыйшоў сакавік – ён заплакаў і знік. (Снег)
- Што за месяц наравісты, то сняжысты, то дажджысты? (Снежань)
- Ляцяць белыя пушынкі, назавём мы іх …(Сняжынкі).
ПАТРЫЯТЫЧНАЕ ВЫХАВАННЕ Ў СЯМ'І
(парады для бацькоў)
- Арганізуйце для сваіх дзяцей сумесныя паездкі па Беларусі. Прыгажосць прыроды, багатае гістарычнае мінулае і сучаснасць краю, таленты народа, яго ўнікальныя ўменні ў прыкладной творчасці – сапраўдная скарбонка мінулага і сучаснасці.
- Не забывайце пры зносінах з дзецьмі звяртаць увагу на на прыгажосць роднай вёскі, пасёлка, горада. Падчас арганізаванай вамі экскурсіі раскажыце сваім дзецям, што знаходзіцца ў населеным пункце. Абавязкова пагаварыце пра прызначэнне кожнага аб’екта.
- Дайце ўяўленне пра працу грамадскіх установаў. Паназірайце за дзеяннямі супрацоўнікаў гэтых установаў, адзначце неабходнасць і значнасць іх намаганняў.
- Разам з дзецьмі прымайце ўдзел у добраўпарадкаванні і азеляненні тэрыторыі свайго двара, свайго населенага пункта.
- Пашырайце ўласны светапогляд. Перш чым давесці нешта свайму дзіцяці, вам неабходна будзе вывучыць гісторыю краіны, наведаць памятныя мясціны.
- Вучыце дзіця правільна ацэньваць свае ўчынкі і ўчынкі іншых людзей. Любоў да краіны пачынаецца са стаўлення да сям’і, да самых блізкіх людзей: маці, бацькі, бабулі, дзядулі.
- Чытайце кнігі пра Радзіму, яе герояў, аб традыцыях і культуры свайго народа. Абавязкова абмяркоўвайце прачытанае.
- Заахвочвайце дзіця да імкнення падтрымліваць парадак, праяўляць культурныя паводзіны ў грамадскіх месцах.
- Не забывайце пра асабісты прыклад бацькоў. Вы, паважаныя бацькі – першыя выхавальнікі дзіцяці!
