Калі людзі разам- іх не зламаць!
“ У адзінстве- наша сіла”- пад такім дэвізам прайшла класная гадзіна ў 4 класе, прысвечаная Дню народнага адзінства. Вучні разам падарожнічалі па карце Беларусі: знаходзілі сталіцу і абласныя цэнтры, рэкі і азёры нашай Радзімы. З захапленнем складалі мазаіку і адкрывалі , што гэта прадукцыя нашых заводаў і фабрык. Халадзільнік- гэта прадукцыя маркі “ Атлант”, кар’ерны самазвал- гэта прадукцыя прадпрыемства МАЗ, цукерка- гэта прадукцыя фабрыкі “ Камунарка”. З задавальненнем скакалі пад беларускую польку, а адпачыўшы, шукалі фотаздымкі і малюнкі, якімі можна падпісаць старонкі жыцця Бацькаўшчыны. У заключэнне ім было прапанавана паламаць пруцікі па аднаму, а затым ўсе разам. Усе разам не зламаў ніхто. Рабяты прыйшлі да высновы, што калі яны будуць сябраваць, дапамагаць адзін аднаму, то пераадолеюць ўсе цяжкасці і справяцца з любымі выпрабаваннямі. Іх, беларусаў, ніхто не здолее зламаць.
