Дзень Незалежнасці Рэспублікі Беларусь
Дзень Незалежнасці Рэспублікі Беларусь - галоўнае свята беларускай дзяржаўнасці, якое адзначаецца штогод 3 ліпеня.
3 ліпеня 1944 года адбылося таксама вызваленне Мінска, сталіцы Беларусі, ад нямецкіх войскаў у ходзе Беларускай аперацыі (кодавая назва «Баграціён»).
З 1991 года Дзень Незалежнасці адзначаўся 27 ліпеня, у дзень прыняцця Дэкларацыі аб суверэнітэце Беларусі. Пасля аўгустоўскіх падзей у Маскве, 25 жніўня 1991 года, Беларуская ССР надала дэкларацыі аб суверэнітэце рэспублікі статус канстытуцыйнага закона. 10 снежня 1991 года Вярхоўным Саветам Беларусі было ратыфікавана Белавежскае пагадненне, заявіўшае аб спыненні існавання СССР. Фармальна незалежнасць была прызнана 26 снежня 1991 у сувязі з распадам СССР.
Рашэнне аб святкаванні Дня Незалежнасці 3 ліпеня, у дзень вызвалення сталіцы Беларусі ад нямецкіх захопнікаў, было прынята ў ходзе рэспубліканскага рэферэндуму ў 1996 годзе. Яно абвешчана ў 1996 годзе Дэкрэтам Прэзідэнта Рэспублікі Беларусь ад 11 снежня 1996 года №1 "Аб устанаўленні дзяржаўнага свята - Дня Незалежнасці Рэспублікі Беларусь".
Дзень Незалежнасці Рэспублікі Беларусь з'яўляецца непрацоўным днём і праводзіцца як ўсенароднае свята ў абстаноўцы высокай урачыстасці і патрыятычнага ўздыму. Галоўнае мерапрыемства Дня незалежнасці - урачысты вайсковы парад. Пасля заканчэння афіцыйнай часткі свята пачынаюцца свецкія мерапрыемствы. Па ўсёй Рэспубліцы праходзяць святы і гулянні.
Наш НПК таксама далучаецца да святкавання Дня Незалежнасці. Настаўнікі ў гонар гэтага свята выканалі дэкаратыўнае пано з прыроднага матэрыялу "Я люблю Беларусь". У гэты дзень прайшла акцыя "Паклонімся Вам Ветэраны ВАВ", конкурс малюнкаў.
