"Як да нас прыйшла кніга"
03.04.2017 года ў 1-4 класах прайшло мерапрыемства " Як да нас прыйшла кніга", прысвечанае 500-годдзю кнігадрукавання на Беларусі.
03.04.2017 года вучні пачатковых класаў мелі магчымасць паўдзельнічаць у інтэлектуальнай гульні "Як да нас прыйшла кніга". Кніга - крыніца ведаў і мудрасці. Яна вучыць нас дабрыні, адважнасці, кемлівасці, любові да родных, беражлівым адносінам да прыроды. Кніга назапашвае, захоўвае і перадае наступным пакаленням жыццёвую мудрасць, якую спасціглі нашы продкі. Праведзенае свята не толькі пазнаёміла з тым, як да нас прыйшла кніга, пералічыла найбольш значныя рэкорды, якія ў розныя часы былі зафіксаваны ў галіне друкарства, але дазволіла і самім вучням прадэманстраваць сваю знаходлівасць і эрудыцыю. Вучні яшчэ раз упэўніліся, што каб пераадольваць цяжкасці і выходзіць пераможцам у выпрабаваннях, трэба сябраваць з кнігай.
Кніга навучыць,
Кніга раскажа,
Кніга падкажа
Як жыць!
